Cristel 5 vjeç nga Verona, i ka dërguar një letër Kryeministrit pasi kaloi dy javë e mbyllur në shtëpi si pasojë e karantinës.
“Presidenti Conte, do të më bëni një nder? Nëse mbyllni gjithçka, a mund të siguroheni që Santa Claus, Santa Lucia dhe Befana të më sjellin një dhuratë?”, fillon letra e 5 vjeçares.
“Do të më bënit një nder të madh mua dhe të gjithë fëmijëve që janë sjellë mirë këtë vit”, vijon letra e saj.
E ëma e vajzës thotë se ajo është shumë e frikësuar nga hipoteza e një bllokimi të ri total.
“Vajza ime është shumë e frikësuar nga hipoteza e një bllokimi të ri, dhe me afrimin e pushimeve ka frikë se Santa Claus, Santa Lucia dhe Befana mund të mos lëvizin dot dhe të vijnë për të sjellë dhurata. Ajo e kuptoi se është Conte ai që vendos, kështu që i bëri një thirrje drejtpërdrejt”, shprehet ajo.
Vajza e vogël, i kërkon Conte-s që të bëjë një përjashtim për ata që do t’i sjellin dhurata gjatë pushimeve, edhe nëse vendi izolohet.
Në fakt, vajza e vogël doli pozitive për Covid më 22 tetor dhe e kaloi periudhën e sëmundjes në izolim.
Pa.Va/Fjala.al
