Pyetja e cila nuk mund të anashkalohet në këtë prag dimri është nëse kufizimet kundër Covid-19 do të jenë lehtësuar derisa të mbërrijnë festat e fundvitit.
Vendet europiane po përballen me një valë të dytë të koronavirusit. Si rezultat, shtete të mëdha si Gjermania apo Franca, dy ekonomitë më të mëdha, janë në izolim kombëtar, ndërkohë që dhe shumë shtete të tjera kanë ashpërsuar masat për të mbrojtur sistemin shëndetësor.
Shtimi i kufizime në javët e fundit i ka dhënë një goditje tjetër industrive të shërbimit, duke rritur dhe shqetësimin se deri kur do zgjasin masat.
Deri më tani sipas njoftimeve zyrtare të shteteve, izolimi i ri do të zgjasë deri në fund të nëntorit.
Sipas ekonomistit David Mackey, parashikimet tregojnë se këto masa do të marrin fund në fillim të muajit dhjetor. Nga përvoja e valës së parë, masat e ashpra ishin eficente për të vendosur kontrollin mbi virusin.
Izolimi i rivendosur do të japë efekt pozitiv në uljen e rasteve meCovid-19. Për më tepër, sipas Mackey është e nevojshme rihapja pikërisht për t’i dhënë një hov aktivitetit socialo-ekonomik gjatë sezonit të festave. Megjithatë mbetet ende për t’u parë në ditët vijuese se si do procedohet më vonë. /Re.D/Fjala.al
