Katër të rinj janë arrestuar nga policia në Pogradec, pasi gjatë një sherri me njëri-tjetrin, kanë dhunuar edhe efektivët që kanë shkuar t’i ndalonin.
“Shërbimet e Policisë kanë konstatuar në lagjen nr. 3, shtetasit E. Ç., 28 vjeç, R. K., 33 vjeç, D. O., 32 vjeç dhe V. LL., 32 vjeç, banues në Pogradec, duke u konfliktuar me njëri-tjetrin për motive të dobëta”, njofton policia.
Uniformat blu bëjnë me dije se në momentin e ndërhyrjes së forcave të Policisë për të parandaluar përshkallëzimin e konfliktit, këta shtetas i kanë kundërshtuar me dhunë efektivët.
Janë arrestuar në flagrance shtetasit me iniciale, E. Ç., R. K., D. O. dhe V. LL., ndërsa materialet i kaluan Prokurorisë të Rrethit Gjyqësor Pogradec, për veprën penale “Kundërshtimi i punonjësit të policisë së rendit publik”./Re.D/Fjala.al
