Mblodhi para për tërmetin në emër të Ramës, si i shpëtoi burgut i riu nga Lezha

113 563 lexime

124,178FansaPëlqeje

Gjykata e Lezhës shpalli fajtor një 30-vjeçar i cili shfrytëzoi situatën e jashtëzakonshme të krijuar nga tërmeti i 26 nëntorit të vitit 2019, për të hapur llogari në Facebook në emër të kryeministrit Rama me qëllim mbledhjen e parave.

Gjendja e tij e rëndë shëndetësore detyroi togat e zeza t’i pezullojnë dënimin. Arjan Meli u dënua me 7 vite burg për veprat penale “Mashtrimi kompjuterik” dhe “Falsifikimi kompjuterik”, por duke qenë se kërkoi gjykim të shkurtuar ju ul 1/3 e dënimit, duke u dënuar përfundimisht me 4 vite.

Ai ka qëndruar vetëm për 3 muaj, nga dhjetori deri në shkurt ku më pas u lirua. Gjatë kësaj kohe, Meli ka qenë në masën detyrim paraqitje.

Por gjendja e rënduar shëndetësore dhe ndërhyrja kirurgjikale që do kryente në zemër detyroi prokurorin Arben Agovi të shfrytëzojë nenin 59 të kodit Penal kërkesë që u pranua nga gjyqtarja Ornela Naqellari.

Kjo e fundit vendosi pezullimin e ekzekutimit të dënimit me burgim të mbetur pa vuajtur për të pandehurin dhe vënien e tij në provë për një periudhë prej 3 vitesh duke u detyruar i pandehuri të mos kryejë vepër tjetër penale dhe të mbajë kontakte të rregullta me zyrën vendore të shërbimit të provës së vendbanimit të tij.

Gjithashtu u vendos kthimi i shumave të parave që u vendosën në sekuestro preventive në bankën përkatëse.

Arjan Meli u prangos në nëntor të vitit 2019, pasi duke përdorur rrjetin social Facebook publikoi dy numra llogarie dhe në emër të kryeministrit Edi Rama ju kërkonte qytetareve që të kontribuonin me vlera monetare për banorët e prekur nga tërmeti.

Nga hetimet e prokurorisë rezulton se brenda një kohe të shkurtër ranë pre e mashtrimit 10 qytetarë të cilët ishin kosovar dhe shuma që kishte kaluar në dy llogaritë bankare ishte rreth 2 mijë euro.

Lexo edhe :  Pas shumë vitesh Parashqevi Simaku takon djalin e saj sot

Ndërkohë gjatë procesit të gjykimit personi në fjalë ka rezultuar se kishte probleme të shëndetit mendor çka është faktuar dhe nga raporti mjekësor i cili është paraqitur nga avokati i të pandehurit, duke pretenduar se veprimet e kryera prej tij janë bërë për shkak të gjendjes shëndetësore./Bl.Ba/Fjala.al

Të fundit

Paralajmërojnë meteorologët italianë, çfarë do të ndodhë në 12 dhe 13 janar

Meteorologët italianë paralajmëruan se një pjesë e madhe e Kontinentit të Vjetër do të përfshihet nga ngricat siberiane. Pyetja, sipas...

Pogradec, zjarri nisi nga oxhaku/ Digjet plotësisht banesa e të moshuarit

POGRADEC- Zjarri që përfshiu banesën e një 80-vjeçari në Pogradec mbrëmjen e të shtunës dyshohet se ka nisur nga oxhaku i banesës së të...

Valentino Rosi është bërë baba për herë të dytë.

Valentino Rosi është bërë baba për herë të dytë. Partnerja e tij Françeska Sofia Novello solli në jetë Gabriella, vajza e dytë e ikonës së...

Vështirësitë e ushtrisë ukrainase në përballjen me Rusinë

Të dërmuara nga sulmet, të mbingarkuara dhe pothuajse të mposhtura, forcat ukrainase po përballen me vështirësi që të zmbrapsin ushtrinë ruse, e cila ka...

U ekzekutua me breshëri plumbash në makinë, ky është 33-vjeçari Ramazan Mataj

Foto/U ekzekutua me breshëri plumbash në makinë, ky është 33-vjeçari Ramazan Mataj/K.K

Lajme të tjera

Web TV