Vijojnë të rriten në mënyrë alarmante shifrat e infektimeve dhe viktimave nga koronavirusi në Itali.
Në Itali vijon rritja në mënyrë të frikshme e rasteve të reja me Covid-19. Gjatë 24 orëve të fundit kanë ndërruar jetë 853 pacientë, nga 630 viktima që u regjistruan një ditë më parë.
I lartë vijon të jetë edhe numri i infektimeve, ku në këto 24 orë kanë rezultuar pozitivë 23 232 persona, nga 189 mijë tamponë të realizuara.
Nga ana tjetër, edhe Greqia ka vijuar me shifra të larta të COVID-19, ku janë regjistruar 101 viktima dhe 2 mijë e 135 raste të reja brenda 24 orëve të fundit.
Në Ballkan Greqia raporton shifrat më të larta nga COVID-19, teksa problem kryesor në shtetin fqinj po shihet gjendja e spitaleve. Deri më sot janë 562 pacientë vetëm të intubuar dhe qindra të tjerë që kurohen nëpër spitale nga COVID-19.
Ndërkohë, duket se Greqia me shtyrjen e afatit të izolimit, do i kalojë festat e fundvitit nën masa kufizuese.
Pa.Va/Fjala.al
