Policia e Tiranës ka arrestuar një 24-vjeçar për trafikim të lëndëve narkotike.
Sipas bluve të kryeqytetit në pranga ka rënë O. N., 24 vjeç, banues në Tiranë me precedent të mëparshëm penal në fushën e shpërndarjes së lëndëve narkotike në doza të vogla.
Arrestimi i tij erdhi pasi gjatë kontrollit fizik dhe të mjedisit përreth ku ky shtetas u konstatua, u gjetën dhe u sekuestruan në cilësinë e provës materiale 41 doza me lëndë narkotike kanabis, gati për shitje, si dhe një shumë parash të dyshuara të përfituara nga kjo veprimtari kriminale.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, në ngarkim të shtetasit O. N., për veprën penale “Prodhimi dhe shitja e narkotikëve”./Bl.Ba/Fjala.al
