Gjykata e Tiranës ka marrë vendimin për të pushuar hetimet për çështjen e CEZ. Gjykatësi Lazër Sallaku ka arritur në konkluzionin se në privatizimin e OSSH nga çekët nuk ka vepër penale. Sallaku është i njëjti gjyqtar që pak ditë më parë mori vendimin për mbylljen e hetimeve për dosjen e “lobimit rus”, ku i pandehur ishte edhe kryeopozitari Lulzim Basha.
Mazhoranca socialiste ngriti edhe një Komision Parlamentar Hetimor për CEZ, ku doli me përfundimin se privatizimi i OSSH-së ka qenë në kundërshtim me ligjin dhe në dëm të shtetit shqiptar. Në komision dëshmuan zyrtarë dhe ish-zyrtarë, midis tyre ish-kryeministri Sali Berisha dhe djali i tij Shkëlzen Berisha.
Sa i përket hetimeve, Kuvendi ka kërkuar që kjo çështje t’i kalojë për hetim SPAK-ut.
