Pamje të frikshme në një kohë pandemie janë regjistruar pasditen e djeshme në Londër, ku qindra të rinj kanë ndenjur në pritje për t’u futur në qendër tregtare, ku siç shihet nga pamjet që ka publikuar “DailyMail”, jo vetëm që nuk respektohet distancimi fizik, por të pakët janë qytetarët që kanë mbajtur maska.
Madje siç shkruan tabloidi britanik, shumë prej tyre ishin të veshur dhe të grimuar si të ishin duke dalë për një mbrëmje.
Kjo situatë vijoi për më shumë se 3 orë dhe turma u shpërnda pas thirrjeve të policisë, teksa 4 persona u arrestuan. Ky “harbim” i qytetarëve vjen pasi lirimit të masave anti-COVID, pasi deri në 2 dhjetor Britania e Madhe ishte në karantinë totale.
Ditën e djeshme u raportuan 15.539 raste të reja dhe 397 viktima, pra rastet ditore dhe vdekjet vijojnë të jenë ende shumë të larta.
Pa.Va/Fjala.al
