Kuqezinjtë e nisin dhe e mbyllin me Andorrën, me Anglinë në mars dhe në nëntor 2021. Shqipëria ka mësuar të hënën kundërshtaret me të cilat do të përballet në Eliminatoret e Botërorit “Katar 2022”, teksa kuqezinjtë do të sfidojnë në grupin I Anglinë, Poloninë, Hungarinë, Andorrën dhe San Marinon.
Ndërsa thuajse 24 më vonë, Kombëtarja është njohur edhe me kalendarin e ndeshjeve në kuadër të këtij grupi, teksa ndeshjet nisin në javën e fundit të marsit dhe mbyllen në gjysmën e nëntorit të vitit të ardhshëm.
Ndërsa faza e “play-off”-eve zhvillohet në javën e fundit të marsit të 2022-shit, me fazën finale të Botërorit që zhvillohet po atë vit, në periudhën 21 nëntor-18 dhjetor. Dhe, pas diskutimeve ndërmjet federatave përkatëse, është përcaktuar edhe kalendari i ndeshjeve.
Shqipëria do ta fillojë garën eliminatore më 25 mars 2021 kundër Andorrës në fushë të huaj dhe do ta mbyllë më 15 nëntor 2021 përsëri me Andorrën, por në shtëpi.
Më 28 mars 2021, Shqipëria do të presë Anglinë, për të vijuar 3 ditë më pas me vizitën që do t’i bëjë San Marinos.
Eliminatoret do të rikthehet për kuqezinjtë në shtator 2021, me vizitën që do t’i bëjnë më datë 2 Polonisë, për të vijuar 3 ditë më pas të presë në fushën e vet Hungarinë dhe, më datë 8 shtator San Marinon.
Tetori sjell dy ndeshje të tjera për Kombëtares, teksa më datë 9 viziton Hungarinë për t’u ndeshur me përfaqësuesen vendase, duke vijur 3 ditë më pas me sfidën në Poloni.
Grupi I i eliminatoreve mbyllet në nëntor, me vizitën që Shqipëria i bën Anglisë më 12 nëntor dhe me përballjen në shtëpi me Andorrën.
Ndeshja e parë, 25 Mars 2021: Andorra-Shqipëri
Ndeshja e dytë, 28 Mars 2021: Shqipëri-Angli
Ndeshja e 3-të, 31 Mars 2021: San Marino- Shqipëri
Ndeshja e 4-t, 2 Shtator 2021: Poloni-Shqipëri
Ndeshja e 5-të, 5 Shtator 2021: Shqipëri-Hungari
Ndeshja e 6-të, 8 Shtator 2021: Shqipëri-San Marino
Ndeshja e 7-të, 9 Tetor 2021: Hungari-Shqipëri
Ndeshja e 8-të, 12 Tetor 2021: Shqipëri-Poloni
Ndeshja e 9-të, 12 Nëntor 2021: Angli-Shqipëri
Ndeshja e 10-të, 15 Nëntor 2021: Shqipëri-Andorra
l.m/Fjala.al
