Maks Verstapen fiton garën e fundit, triumfon bindshëm në pistën e Abu Dhabit. Formula 1 ka mbyllur kështu një sezon të jashtëzakonshëm të saj, me garën e zhvilluar të dielën në Abu Dhabi dhe të fituar nga Maks Verstapeni.
Emocionet e këtij sezoni, që u kërcënua seriozisht për të mos u zhvilluar, për shkak të epidemisë së virusit korona, u sollën për sportdashësit drejtpërdrejt nga Rrjeti i Radio-Televizionit Shqiptar.
Niveli më i lartë i Kampionatit Botëror të Automobilizmit, Formula 1, ka ulur të dielën siparin e një sezoni të rrallë dhe të jashtëzakonshëm, që u kërcënua seriozisht për të mos u zhvilluar, për shkak të epidemisë së virusit korona, por që më në fund ia doli të mbyllej, edhe pse, si rrallëherë, në mesin e muajit dhjetor.
Dhe ky sezon, i cili solli një numër risish të diktuara edhe nga rrethanat e pazakonta, është mbyllur me garën e Abu Dhabit, që ishte në fakt një nga 3 garat e vetme të zhvilluara jashtë kontinentit evropian, së bashku me dy garat e zhvilluara në pistën e Bahreinit.
Ka qenë një garë e dominuar nga fillimi deri në fund nga Maks Verstapeni, i cili u nis nga vendi i parë dhe, përtej një ngadalësimi të shkaktuar nga futja e makinës virtuale të sigurisë, piloti holandez arriti ta ruante kreun i pashqetësuar nga dyshja e “Mercedes”-it, Valteri Botas dhe Ljuis Hemilton.
Në fakt, kjo ishte fitorja e parë e një piloti që nuk është i skuadrës së “Mercedes”-it që nga viti 2013. Emocionet e këtij sezoni u sollën për sportdashësit drejtpërdrejt nga Rrjeti i Radio-Televizionit Shqiptar, ndërsa ajo që është e sigurt është se, vitin që vjen do të ketë ndryshime sa u përket skuadrave dhe pilotëve.
l.a/Fjala.al
