Luhet java e 18-të, Drita ruan kryesimin, e ndjekur nga afër nga Ballkani. Superliga e Kosovës ka mbyllur të hënën javën e saj të 18-të, që ishte edhe java e fundit e fazës së dytë të nivelit më të lartë të kampionatit të futbollit. Megjithëse është ndalur në një barazim 1-1 në fushën e vet nga Arbëria e ardhur këtë sezon nga niveli i dytë i kampionatit të Kosovës, Drita e ka thelluar në dy pikë epërsinë në krye të renditjes.
Skuadra gjilanase ka grumbulluar 40 pikë në 17 ndeshje, dy më tepër sesa Ballkani, që u mund 1-2 të dielën në Prishtinë përballë ekipit vendas. Me këtë fitore, skuadra kryeqytetase është ngjitur në kuotën e 31 pikëve, 5 më tepër sesa Gjilani, që të shtunën fitoi me rezultati 2-1 në Pejë përballë skuadrës së Besës. Duhet theksuar se, për shkak të kalendarit ende të paplotësuar, 4 ekipet e vendeve të para, Drita, Ballkani, Prishtina dhe Gjilani kanë luajtur nga një ndeshje më pak se 6 ekipet e tjera.
Në takimin tjetër të së dielës, Llapi ka mundur 3-2 Ferronikelin, që mbetet në vendin e 5-të të renditjes, me 23 pikë, ndërsa në takimin e fundit të së hënës, Trepça ’89 dhe Drenica e Skënderajt u ndanë me rrjeta të paprekura. Arbëria, Llapi, Trepça ’89 dhe Drenica e Skënderajt janë të përfshira në një betejë të ethshme për t’i shkëputur fundit, ku Besa e Pejës duket e dorëzuar.
Superliga e Kosovës
Java e 18-të:
Të shtunën, 12 dhjetor 2020:
Besa Pejë 1 – 2 Gjilani
Të dielën, 13 dhjetor 2020:
Llapi 3 – 2 Feronikeli
Prishtina 2 – 1 Ballkani
Të hënën, 14 dhjetor 2020:
Drita 1 – 1 Arbëria
Trepça ’89 0 – 0 Drenica Skënderaj
Nr. Skuadra N. F. B. H. Gsh-Gp Pikë
1. Drita e Gjilanit 17 12 4 1 29-12 40
2. Ballkani 17 12 2 3 43-21 38
3. Prishtina 17 9 4 4 25-11 31
4. Gjilani 17 7 5 5 14-16 26
5. Feronikeli 18 5 8 5 22-16 23
6. Arbëria 18 6 3 9 17-20 21
7. Trepça’89 18 6 3 9 19-27 21
8. Llapi 18 6 2 10 21-23 20
9. Drenica Skënderaj 18 5 4 9 11-25 19
10. Besa Pejë 18 1 3 14 13-43 6
