Siç dihet, Abu Dabi është një vend me rregulla strikte. Aty nuk lejohet as të pish cigare në rrugë apo të filmosh ndërtesat e Emirit të Abu Dabit dhe presidentit të Emirateve të Bashkuara. Pikërisht ky rregulli i fundit ka qenë ai që u ka hapur punë dy vajzave shqiptare.
Orinda Huta ishte së fundmi në një udhëtim në Abu Dabi me programin “Check in” Por bashkë me Albana Nenaj dhe stafin, moderatorja Orinda Huta ka kaluar disa orë në rajonin e policisë në Abu Dabi, kryeqytetin e Emirateve të Bashkuara Arabe. Arsyeja e këtij qëndrimi u zbulua vetëm gjatë transmetimit të emisionit “Check in”, që Orinda Huta zhvilloi bashkë me Albana Nanajn në Abu Dabi.
Një makinë e familjes mbretërore kishin parë, Orindën dhe Albanën teksa xhironin dhe kishin lajmëruar policinë. Në rajon vajzat qëndruan për katër orë dhe dhanë të gjitha sqarimet për pamjet që kishin filmuar. Madje vetë Orinda në një video në Instagram, bëri me dije se ndodheshin në një burg në Abu Dabi.
