Profesoresha Maria Rosaria Capobianchi, infermierja Claudia Alivernini dhe operatori sanitar Omar Altobelli, në orën 7:20 kanë qenë 3 personat e parë në Itali që kanë bërë vaksinën anti-COVID. Më pas vaksinën e bënë dhe 3 mjekë infektolog.
Kryministri italian Giuzepe Conte e ka cilësur 27 dhjetorin ‘vakx-day’ si një ditë që do të mbetet në histori.
Ai u shpreh se fillimisht do të vaksinohen mjekët dhe infermierët dhe më pas shtresat më të rrezikuara e në fund e gjithë popullata për të zhdukur virusin.
Gjithashtu vaksinimi kundër koronavirusit filloi sot në Gjermani, disa orë pas dorëzimit të dozave të para. Personi i parë që mori vaksinën ishte 101-vjeçarja, Edith Kwoizalla.
Në konferencën e djeshme për shtyp, Ministri gjerman i Shëndetësisë, Jens Spahn tha se vaksina është thelbësore për t’i dhënë fund pandemisë dhe për të kthyer jetën në normalitet.
Deri më tani, 1,627,103 njerëz janë infektuar në Gjermani dhe 29,422 njerëz kanë vdekur. Ndryshe, të parët në listë për marrjen e vaksinës janë personat më të vjetër se 80 vjeç dhe njerëzit që janë më të rrezikuar.
Aktualisht vendet e BE kanë marrë një sasi dozash simbolike vetëm 10 mijë për çdo shtet, ndërsa duke filluar nga e hëna do të shpërndahen miliona doza./Bl.Ba/Fjala.al
Die bisher größte Impfkampagne in Deutschland hat früher begonnen als geplant. In einem Seniorenzentrum in Halberstadt in Sachsen-Anhalt wurde die 101 Jahre alte Edith Kwoizalla und weitere Bewohner gegen das #Coronavirus geimpft. pic.twitter.com/sdbUiN40G4
— BR24 (@BR24) December 26, 2020
