Bayern Munich për vitin e kaluar, Real Madridi në historinë e futbollit, dhe Cristiano Ronaldo që “eklipson” Leo Messin. Ky ishte verdikti i Globe Soccer Award 2020, që i shpërndanë në Dubati. Këtë vit, përtej më të mirëve të sezonit, u shpërndanë edhe çmime “definitive”, si ato të shekullit.
Në çmimet e shekullit beteja ishte mes Real Madrid dhe Barcelona, ku madrilenët morën çmimin më prestigjioz, atë të ”ekipit të shekullit”, ndërkohë që Cristiano Ronaldo, i pranishëm në Dubai me të fejuarën Georgina Rodriguez, morri atë të ”lojtarit të shekullit”. Edhe agjenti i tij, portugezi Jorge Mendes, u vlerësua si “menaxheri i shekullit”.
Barcelona u ‘ngushëllua’, por vetëm pjesërisht, me titullin e dhënë Pep Guardioles si trajner i shekullit, ku fitoret më të mëdha u arritën pikërisht me blaugranat.
