Në 29 dhjetor të vitit 1809, në Boston, Massachusetts, lindi Albert Pike, studiues i feve, qytetërimeve dhe filozofive të botës – gjithmonë i etur për njohuri, me bibliotekë personale tepër të pasur, e cila ruhet sot në Shtëpinë e Tempullit Scottish Rite në Uashington, DC.
Libri “Morals and Dogma” është vepra e tij kryesore mbi studimin krahasues të besimeve fetare. Në rreth 800 faqe, ai shpjegon se çfarë kanë besuar kulturat e lashta dhe si kanë ndikuar ato besimin dhe moralin e sotëm.
Albert Pike ishte jurist, ushtarak, shkrimtar; në luftën civile amerikane u rendit kundër bashkimit; u shpall tradhtar, u amnistua nga miku i tij Andrew Johnson, që u bë president pasi Linkolni u vra; nga lufta.
Pike ishte një figurë imponuese; 1,83 m i gjatë, me peshë 140 kg me flokë që i arrinin shpatullat dhe një mjekër të gjatë.
Pike doli i varfëruar nga lufta, jetoi me hua e lëmosha derisa qeveria i lidhi pension; më 1889. Kongresi miratoi rezolutën për ngritjen e një statuje për nder të tij; Albert Pike, është e vetmja figurë konfederaliste me shtatore në kryeqytetin Uashington.
Vdiq në vitin 1891, në moshën 81 vjeç dhe u varros në Varrezat Oak Hill, pavarësisht nga fakti se ai kishte lënë udhëzime që trupi i tij të digjej. La pas shumë shkrime në fushën juridike; vazhdimisht shkroi poezi; Universiteti Harvard i dha titullin Ph.D, por Pike nuk e pranoi; kolegët e shihnin si rimishërim të Platonit, Homerit, Zoroasterit; ishte mason, ashtu si shumë personalitete të asaj kohe.
Albert Pike shkruan se Shqiponja dykrerëshe përfaqëson fuqinë dhe aftësinë prodhuese të Natyrës, si figura e njeriut me dy koka, një mashkull tjetra femër – Perëndia dhe Natyra. Kjo shqiponjë dy krerëshe prej kohësh është përdorur si emblemë e ritit skocez Mason dhe mendohet të jetë emblema e më e vjetër ose shenja e parë heraldike në botë.
l.m/Fjala.al
