Një aksident me pasojë vdekjen e një personi ka ndodhur mëngjesin e sotëm në vendin e quajtur “Vajkan” në Fier. Sipas policisë ka mbetur i vdekur një 50-vjeçar me iniciale G. Gj.
Nga hetimet paraprake dyshohet se ai është aksidentuar nga një automjet. Grupi hetimor po punon për zbardhjen e plotë të rrethanave të ngjarjes.
“Sot rreth orës 08:20, në vendin e quajtur “Vajkan”, në anë të rrugës është gjetur pa shenja jete shtetasi G. Gj., 50 vjeç, banues në Vajkan.
Nga hetimet paraprake dyshohet se 50-vjeçari ka qenë duke lëvizur me biçikletë dhe është aksidentuar nga një automjet. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”, njofton policia.
l.m/Fjala.al
