Trajneri i Vllaznisë, Brdariç, flet para duelit me Teutën: Ta vazhdojmë aty ku e lamë

113 563 lexime

124,178FansaPëlqeje

Trajneri i Vllaznisë flet para sfidës së të premtes me ndjekësen më të afërt, Teutën. Viti i ri në Kategorinë Superiore nis të premten në mbrëmje me takimin Vllaznia-Teuta, që do të luhet në Stadiumin “Loro Boriçi” të Shkodrës.

Duke folur të enjten për mediat, trajneri i Vllaznisë, Tomas Brdariç, kërkon nga skuadra ta vijojë aty ku e la vitin e shkuar. Kryesuesja e Kategorisë Superiore, Vllaznia, e nis 2021-shin me përballjen në shtëpi me Teutën, dhe, duke folur në konferencën për shtyp, trajneri Tomas Brdariç, kërkon nga skuadra ta vijojë aty ku e la vitin e shkuar.

“E kemi filluar vitin me plotësimin e skuadrës me një sulmues të mirë si Avdijaj dhe po shohim gjithmonë përpara se ajo që ka kaluar, ka kaluar, – ka thënë ai. – Ne jemi skuadër që do të përmirësohet dhe të vazhdojë punën e përkushtimin. Duam të tregojmë paraqitje si vitin e kaluar. Jemi në një pozitë ku çdokush duhet të na kapë dhe mundë, jemi në vend të parë dhe duhet ta mbrojmë e do ta tregojmë ndaj Teutës nesër.” Skuadra durrsake është ndjekësja më e afërt e shkodranëve, por edhe e vetmja që nuk ka pësuar humbje.
Trajneri gjerman u kuqebluve beson se kjo do të ndryshojë të premten, teksa thotë: “Teuta e pamposhtur? E dimë, e kemi parë si luajnë dhe mendojmë se ne kemi shanse të mira në fushën tonë dhe duhet të bëjmë maksimumin të mundim Teutën. Ajo është një skuadër shumë e fortë, ka trajner me eksperiencë, fituese e Kupës. Mendoj se skuadra ka shumë motivim për të treguar se duam të fitojmë, do të jetë një ndeshje e fortë, duhet të jemi të fokusar dhe të uritur të fitojmë kundër Teutës.” Trajneri i Vllaznisë ka prekur edhe çështjen e merkatos.

Lexo edhe :  Ndarja nga jeta e Papa Françeskut, shtyhet edhe sfida Inter-Roma

“Dhurata në merkato? – deklaroi ai. – Kemi dhënë shumë dhurata anë këto 6 muaj. Nuk jemi me ngut të afrojmë lojtarë. Nëse gjejmë lojtarë të mirë për këtë klub, mund të bëjmë diçka. Nuk ka asnjë gjë të veçantë për të folur për momentin. Kur të kemi diçka do të flasim.” Në fakt, burime zyrtare të klubit kanë pohuar për Fjala.al se futbollisti Ibrahim Dunga është drejt largimit, teksa po shqyrtohet mundësia që ai të shitet në një klub tjetër, por nuk jepen hollësi të mëtejshme. Takimi Vllaznia-Teuta do të luhet të premten, në Stadiumin “Loro Boriçi” të Shkodrës, duke nisur nga ora 18:00.

Të fundit

Pandeli Majko: Nuk më mungon guximi për të vizituar Metën në burg, mbetet shoku im

Deputeti i Partisë Socialiste dhe kandidati për Tiranën në zgjedhjet e 11 majit, Pandeli Majko, ka komentuar në News24...

Gara në qarkun Korçë, PS nuk i mjafton 1 votë për avantazh, por diaspora mund ta ndihmojë

Eduart Zaloshnja mendon se në Qarkun Korçë këto zgjedhje do të jenë shumë interesante për shkak të "lojës strategjike" të dy subjekteve kryesore, PS...

Inteligjenca Artificiale së shpejti do të përkthejë atë që po ju thonë kafshët shtëpiake

Me kalimin e kohës, njerëzit fillojnë të kuptojnë çdo tundje bishti, çdo mjaullim dhe çdo lehjeje, por ideja për të ditur saktësisht se çfarë...

Fushata e 11 majit, gratë dhe vajzat shkodrane presin Ramën me këngë qytetare

Kryesocialisti Edi Rama zhvilloi një takim me gratë dhe vajzat e qarkut të Shkodrës, në kuadër të zgjedhjeve parlamentare të 11 majit dhe turit...

Ra nga lartësia duke punuar në ndërtim, 62-vjeçari humb jetën në Golem

Një ngjarje e rëndë ka ndodhur sot në Golem, ku raportohet se një 62-vjeçar ka humbur jetën. Mësohet se ngjarja ka ndodhur teksa 62-vjeçari punonte...

Lajme të tjera

Web TV