Shifra të frikshme aksidentesh rezervohen për muajin që lamë pas. Është INSTAT që tregon të dhëna konkrete për të gjitha llojet e aksidenteve. Shihet se krahasuar me një vit më parë aksidentet janë ulur me një raste por është numri i të vdekurve më i madh.
Në muajin dhjetor 2019 numërohen 135 aksidente rrugore nga 136 aksidente të ndodhura në muajin dhjetor 2018, duke u ulur me 0,7 %, krahasuar me të njëjtën periudhë të një viti më parë. Në vitin 2019, numërohen 1.498 aksidente rrugore nga 1.718 aksidente të ndodhura në vitin 2018, duke u ulur me 12,8 %, krahasuar me të njëjtën periudhë të një viti më parë.
Në muajin dhjetor 2019, numri i të aksidentuarve (të vrarë dhe të plagosur) është 187 persona nga 162 që ishte një vit më parë, duke u rritur me 15,4 %. Numri i të aksidentuarve në vitin 2019, është 2.044 persona nga 2.291 persona, duke u ulur me 10,8 %, krahasuar me vitin 2018.
Në muajin dhjetor 2019, numri i të vdekurve nga aksidentet rrugore është 24 persona nga 23 persona të vdekur në dhjetor 2018. Në vitin 2019, numri i të vdekurve nga aksidentet rrugore është 227 persona nga 213 persona në vitin 2018.
Në muajin dhjetor 2019, aksidentet rrugore, në 91,9 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25–34 vjeç, duke zënë 25,9 % të numrit të aksidenteve gjithsej. Aksidentet në këtë grup-moshë janë ulur me 18,6 %, krahasuar me të njëjtën periudhë të një viti më parë.
Në vitin 2019, aksidentet rrugore, në 14,6 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur 37,7 %, krahasuar me një vit më parë. n.k/Fjala.al/
