Kryeministri Edi Rama ka publikuar ditën e sotme pamje me dron se si duket nga lart kantieri i Universitetit Bujqësor. 8 godinat e reja që do të ndërtohen për 2200 studentët janë të ideuara nga arkitekti i famshëm Winny Maas, teksa dje Rama inspektoi nga afër punimet.
“Mirëmëngjes dhe me kantierin e Universitetit Bujqësor, Tiranë, ku po ndërtohen 8 godina të reja të ideuara nga arkitekti i famshëm Winny Maas, për 2200 studentë, të cilët do të kenë një kampus me kushte optimale si në Europë, ju uroj një ditë të mbarë”, shkruan Rama.
Në secilën godinë do të jenë nga 280 studentë, ku në katet e para do të jetë për shërbime të ndryshme. Rama tha se kjo është e ndërtuar 100% nga buxheti i shtetit, teksa ndërkohë po ndërtohen 2 godina te Universiteti i Mjekësisë dhe Qytet Studenti.
