Ambasadorja e SHBA-ve në Shqipëri, Yuri Kim i ka bërë thirrje të gjithë liderëve politikë në Shqipëri të pastrojnë listat e tyre nga kandidatët e korruptuar për zgjedhjet e 25 prillit.
“Ne duam të sigurojmë që zgjedhjet e ardhshme, të jenë të lira, të ndershme dhe transparente. Partitë duhet të vendosin në lista njerëz që nuk cenojnë demokracinë dhe nuk promovojnë korrupsionin. Politikanët e korruptuar duhet të largohen nga lista”,- tha Kim.
Më tej ajo u ndal edhe tek financimi i partive në zgjedhjet e ardhshme, duke bërë thirrje partive të jenë sa më transparente në lidhje me financat e tyre.
“Këshilli Politik mori vetë vendime të rëndësishme vitin e kaluar, një akt shumë i rëndësishëm për në BE.
Liderët e partive duhet të ofrojnë transparencë në financimin e partive. Bëjmë thirrje që financimet të jenë transparente.
Si i bëjmë thirrje gjykatësve, ne i bëjmë thirrje edhe liderëve politikë të kontrollojnë kandidatët.
Populli shqiptar nuk do të votojë kriminale. Anëtarë të shoqërisë civile duhet të japin rekomandimet e tyre për të siguruar që Shqipëria do të mbajë zgjedhje që njihen me standard.
Ne inkurajojmë të gjitha partitë politike të riafirmojnë angazhimet e tyre për transparencë duke përfshirë dhe financimin e tyre për zgjedhjet e ardhshme”,- tha Yuri Kim.
