Aktorët Olsi Bylyku dhe Rezart Veleshnja janë bërë të dy të njohur nga rolet e tyre në Portokalli, nga ku edhe u njohën. Sipas Olsit, në Portokalli përveç njohjes ka lindur edhe grindja mes tyre. Në emisionin e tij “Roped With Olsi”, aktori tregoi se nuk komunikon më me Rezart Veleshnjën.
Ai tha se nuk e mbante mend arsyen pse nuk flet më me të, por e gjitha kjo ka ndodhur gjatë një turneu që ata kanë pasur në Amerikë. Olsi më pas zbuti situatën duke komplimentuar dhe uruar Rezartin publikisht.
“Kemi pasur një zënkë me Rezart Velshnjan kur kam qenë në Portokalli, ka nisur në Amerikë kur kemi qenë me turneun e Portokallisë dhe sot e kësaj dite nuk flas, por gëzoj shumë respekt për punën që ai bën dhe për atë vetë si person. I uroj shumë suksese dhe i them bravo të qoftë, sepse është artist i vërtetë për punën që ai bën”, u shpreh Olsi.
