Një person është gjendur i mbytur në liqenin e Pogradecit. Trupi i pajetë është transportuar në morg.
Policia e Pogradecit ka mbërritur menjëherë në vendin ku ka ndodhur ngjarja.
Nuk dihen ende shkaqet dhe as rrethanat e ngjarjes.
NJOFTIMI NGA POLICIA
Pogradec/Informacion paraprak
Më datë 14.02.2021, rreth orës 17:10, në afërsi të vendit të quajtur “Ura e Qytetit”, buzë liqenit të Ohrit, është gjetur i mbytur një shtetas rreth 60 vjeç.
Nga këqyrja paraprake e trupit të tij nuk janë konstatuar shenja dhune.
Trupi i pajetë do të dërgohet në morgun e Spitalit, nga ku do të pritet ekspertiza mjeko-ligjore që do të përcaktojë shkakun e vdekjes.
Grupi hetimor po punon për identifikimin e viktimës dhe zbardhjen e rrethanave të ngjarjes.
