Shefja e Infektivit, Najada Çomo denoncoi së fundmi një 32-vjeçare nga Berati, pasi e shqetësoi për ditë të tëra në telefon përmes thirrjeve dhe mesazheve.
Prej dy javësh vajza telefononte Çomon duke e fyer në mënyrë të vazhdueshme, gjë që ka detyruar mjeken që të paraqitet për denoncim në polici.
Pas denoncimit, Oficerët e Policisë Gjyqësorë kanë marrë në pyetje të renë në lidhje me shkakun e këtij veprimi.
Abcnews.al mëson se e reja ka mohuar të ketë shqetësuar Çomon në telefon duke theksuar se në fakt kishte dashur të telefononte dikë tjetër.
Vajza shprehet se nuk e njeh Çomon dhe se nuk ka patur qëllim shqetësimin e saj.
