Melisa vendosi më herët që të hiqte dorë përfundimisht nga programi “Për’puthen”. Ajo u shpreh se për shumë ditë me radhë është ndjerë nën presion psikologjik dhe se e ndjente që nuk do të gjente dashurinë e saj në “Për’puthen”.
“Nuk mbaj dot më”- u shpreh konkurrentja duke veçuar thashethemet e shumta si arsyen kryesore për marrjen e vendimit të saj. Melisa tregoi se kishte një ngarkesë emocionale për shkak të sulmeve të shumta të konkurrentëve me njëri-tjetrin, ndaj kishte disa javë që kërkonte të largohej.
Ajo u largua në një moment delikat, kur prej ditësh në media po qarkullon lajmi se ajo dhe Andi, janë prej disa kohësh në një lidhje së bashku.
Papritur, Melisa bëri edhe ndryshime në llogarinë e saj në Instagram.
Ajo i ka bërë unfollow të gjithë personat që ndiqte, përfshirë ata të “Për’puthen” dhe ka hequr çdo foto që kishte.
Gjithashtu, Melisa la vetëm një post i cili shkruan “Po vjen së shpejti”, pa dhënë asnjë detaj.
Të gjithë janë bërë kuriozë të mësojnë ç’po gatuan tashmë Melisa pas largimit dhe pritja s’ka zgjatur më shumë!
Ajo i është futur muzikës dhe e ka gati këngën e parë, e cila do të titullohet “U kry”.
Nuk e dimë kur do të publikohet, por Melisa na ka treguar një pjesë të videoklipit dhe duket zjarr! Shikojeni vetë për më tepër!
