Konfliktet midis bandave rivale, me viktima në moshë të re, po bëhen një problem serioz në Francë. Në vetëm 24 orë, një vajzë 14-vjeçare dhe një djalë 13-vjeçar u vranë në periferi të jugut të Parisit në dy sulme të ndara me thikë.
Rasti i parë ndodhi të hënën pasdite në qytetin Saint-Chéron, në departamentin e Essone, në periferi të jugut të Parisit. Sipas Zyrës së Prokurorit Evry-së – në qytetin ku Manuel Valls ishte kryebashkiak – kjo ishte një luftë mes bandave pranë Pont-de-Bois College (shkollën e mesme).
Viktima, Lilibelle G., e cila u godit me thikë në bark, ishte më e vogla nga katër vëllezërit. E transferuar në spital, vajza vdiq natën. Gjashtë të mitur, midis moshës 13 dhe 16 vjeç, janë ndaluar në lidhje me ngjarjet. Njëri prej tyre, me rekord penal, rrëfeu se ishte autori i ngjarjes.
Dje një tjetër dramë u zhvillua në të njëjtën zonë në jug të kryeqytetit francez, po në departamentin e Essone, këtë herë në Boussy-Saint-Antoine. Një djalë 13-vjeçar humbi jetën në një pishinë në këtë qytet. Pas një përleshjeje, djali u godit me thikë në fyt dhe fatkeqësisht ai ndërroi jetë ndërsa po transferohej në spital. Gjithashtu, një tjetër adoleshent, 14 vjeç, u plagos rëndë.
Prokurorja Caroline Nisand u ankua për fenomenin e luftimeve midis bandave të të rinjve, “atë gangrenas Essone dhe i vendosi të miturit në vijën e parë”. Nënkryetari i këshillit të departamentit, Alexandre Touzet, i partisë Republikane (djathtas), tha se problemi i dhunës së të rinjve duhet të trajtohet si një përparësi. Ministri i Brendshëm, Gérald Darmanin, udhëtoi për në vendin e sulmit të fundit natën e kaluar.
Pavarësisht nga pandemia dhe kufizimet, përplasjet midis bandave u rritën me 24% në Francë gjatë vitit 2020, Sipas të dhënave të policisë të cituara nga e përditshmja Le Figaro, janë 357 luftime të regjistruara.
