Detaje të reja dalin në dritë nga plagosja me armë zjarri që ndodhi sot në një fshat të Rrogozhinës, ku i plagosur mbeti një 22-vjeçar.
Ngjarja ndodhi në fshatin Sinaballaj. ‘BalkanWeb’ ka zbuluar identitetin e plotë të personit të plagosur, ndërsa bëhet fjalë për të riun Klajdi Lluca.
Konflikti ka nisur fillimisht fizik mes 2 të rinjve, me sende te forta e me grushte dhe me pas është qëlluar me pistoletë ndaj 22-vjeçarit.
Pas plumbit në këmbë ai është transportuar në spital ku ndodhet jashtë rrezikut.
Policia ka bllokuar automjetin që dyshohet se është përdorur nga autori për t’u larguar nga vendi i ngjarjes, ndërsa vijon puna për kapjen e këtij të fundit.
