Ka mbërritur në ambientet e gjykatës, Albert Zaja, autori i dyshuar për ekzekutimin e Shkëlzen Kastratit më 1 shkurt brenda makinës së tij në Fier, për t’u njohur me masën e sigurisë.
Mësohet se sot do t’i komunikohet masa e sigurisë ‘arrest me burg’, e cila është marrë në mungesë. Gjyqtare e çështjes është Adelina Zarka dhe prokurore Elida Hoxha.
Autori i dyshuar është shoqëruar nga forca të shumta të policisë.
Albert Zaja, u arrestua pak ditë më parë në Fushë-Krujë, ndërkohë që kishte edhe pistoletë me vetë, e cila i është sekuestruar nga policia.
Sipas policisë 37-vjeçari kur ka parë se është rrethuar nga RENEA ka tentuar të fshehë në baltë armën dhe ka tentuar të largohet.
