Sipari i fushatës u hap

113 563 lexime

124,178FansaPëlqeje

Nga Plator Nesturi

Dy mitingje që ndiqnin njëri-tjetrin në orare. Kjo qepje këmbë pas këmbe duket se do të shenjojë këtë fushatë elektorale çka u pa dukshëm në ditën e parë të saj. Vonesa prej një ore e liderit të PD ndërsa në mitingun te “Nënë Tereza” prisnin militantët ca në makina e ca në rrugë, bëri që të përplasej në orar me mitingun që zhvilloi PS në sheshin “Skënderbej”. Gjithësesi si imazhet dhe diskursi ishte i ndryshëm. PS kish zgjedhur që në shtrirjen e gjerë të sheshit të tyre të vendoseshin kandidatët e saj për deputetë duke respektuar distancat në bazë të rregullave të pandemisë.

Ndërkohë vendosja e fillestare me rreshtim makinash që kish menduar PD, dhe që do ti ngjante shfaqjes së një filmi në fushë e ku spektatorët qëndojnë brenda automjeteve, nuk funksionoi. Me fillimin e mitingut militantët e PD i braktisën makinat për tu rreshtuar në këmbë me flamuj përpara tribunës dhe skenari i makinave thjesht bllokoi rrugët dhe bulevardin pa asnjë shkak. Shfaqja i ngjau një një dasme ku krushqit vijnë me makina pasi nusja e fitores ndodhet shumë larg. Aq larg sa dhe kryedasmori Basha e mori me nge ardhjen në event. E parë në këtë prizëm PD nuk doli dot nga skema e vjetër e mitingjeve që bënte dikur Berisha, megjithëse kushtet e pandemisë nuk mund të lejonin të njëtin skenar. Gjithësesi ajo çka pritej me kërshëri ishte se cili do të ish mesazhi që do të përcillnin liderët e dy partive më të mëdha. Për të ardhur keq kur ajo çka do të përbënte shpalosjen e objektivave të opozitës në fillimin e fushatës, i përngjau një fjalimi të vjetëruar apo një hartimi shabllon demagogjik.

Lexo edhe :  Spartak Ngjela: Kush më shpjegon se si është pasuruar familja e Berishës?

Fjalimi i Bashës ishte ngritur mbi fabulën se “kuçedra Rama” ka zënë të gjitha burimet dhe i ka varfëruar të gjithë dhe se pikërisht ai, Basha dhe PD ka misionin për ta rrëzuar e për ta përzënë kuçedrën. Pak e lodhshme kjo panegjirikë kur elektorrati kërkon gjëra më direkte sesa të imagjinojë Bashën nën petkun e Shën Gjergjit duke vrarë dragoin. Në të kundërt, Rama, që ndonëse mund të ngjallë reagimin e dashuri – urrejtjes për mënyrën e tij të ligjërimit, tregoi sërish se di të mobilizojë, di të tregojë se di të godasë kundërshtarët por dhe të japë argumente se mandati i tretë i duhet jo për hir të PS por se kundërshtarët janë të çartallosur dhe të papërgatitur për pushtetin. Sipari i fushatës u hap. Nga një anë një skenë e rrëmujshme dhe tjetra e rreshtuar në betejë nga kryeministri dominant. Të shohim më tej.

 

Të fundit

Bashkia Lezhë apel pushuesve në plazh/ Priten dallgë të mëdha, shmangni zonat e pasigurta

Strukturat e Bashkisë Lezhë dhe shërbimet e sigurisë në plazh kanë dhënë sot një paralajmërim për kushte detare të...

Po riparonte një mjet në guroren ku punonte, humb jetën 38-vjeçari në Mamurras

Një 38-vjeçar ndërroi jetë ditën e sotme në Mamurras pas një aksidenti në guroren ku punonte. Blutë bëjnë me dije ngjarja është regjistruar rreth orës 12:00 teksa...

Inflacioni mori hov në qershor! Jemi në verë, por çmimet po rriten si në dimër

Inflacioni në muajin qershor ka regjistruar nivelin më të lartë në 16 muaj. Gjate qershorit thotë INSTAT çmimet u rritën me 2.4%, dhe shkaku...

Piku i sezonit turistik, euro nis dobësimin përballë lekut/ Ja me sa po shkëmbehet

Piku i sezonit turistik në vend ka dhënë efektet e para në monedhën europiane. Nëse shohim të dhënat e Bankës së Shqipërisë vërehet se që...

Djathi më i shtrenjtë në botë shitet për 42,232 dollarë

Një djathë Cabrales i pjekur në një shpellë për 10 muaj, mori notat më të larta në një konkurs në Spanjë dhe fitoi një...

Lajme të tjera

Web TV