Një argjendari është grabitur këtë të mërkurë në qytetin e Gjirokastrës.
Raportohet se persona të armatosur me Kallashnikov kanë hyrë në argjendari dhe kanë kërcënuar punonjësit.
Dyshohet se kanë marrë një sasi floriri dhe janë larguar me shpejtësi.
Njoftimi:
Gjirokastër/Informacion paraprak
Më datë 31.03.2021, rreth orës 18:10, në lagjen “18 Shtatori”, në një argjendari, dy persona të paidentifikuar dyshohet se nën kërcënimin e armës, kanë vjedhur sende me vlerë dhe më pas janë larguar me shpejtësi.
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve.
Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve.
