Ish-deputeti i Partisë Socialiste Taulant Dedja, ka hedhur akuza të forta drejt autorit të filmit ‘I love Tropoja’ dhe aktorit Edi Rama. Sipas tij as Ermal Mamaqi as Edi Rama nuk i vë dot në diskutim vlerat e Tropojës.
Ai ka shkuar më tej duke e etiketuar kryeministrin Edi Rama si më skandalozin të historisë së shtetit shqiptar. Për ish-deputetin socialist, Ermal Mamaqi nuk do të arrijë kurrë në nivelin e filmave si ‘Kapedani’ apo ‘Çifti i lumtur’.
Reagimi i ish-deputetit socialist:
UNË E DUA VËRTETË TROPOJËN!
Sa herë e sjell rasti të takohem me dikë nga Tropoja që nuk e njoh dhe nuk më njeh i shprehem edhe unë kam origjinë prej andej. Koha qe kam kaluar atje në atë vend të mrekullueshëm (që për nga bukuritë natyrore krahasohet me Zvicrën) në vitet e vështira 1997-1999 dhe mikpritja e veçantë e atyre me të cilët punova dhe bashkëpunova atje, miqësia e tyre e ofruar pa kushte dhe çdo gjë që kujtoj prej asaj kohe unikale më bën sërish ta them me zë të lartë: Po, edhe unë ndihem tropojan dhe e dua vërtetë Tropojën!
Vlerat Tropojës nuk ja vë dot në diskutim as Ermal MF as padroni i tij karagjozi i pacipë Edvin Rama, kryeministri më skandaloz i historisë së shtetit shqiptar. Në fakt Ermal MF nuk do ta kish bërë pa lejen e padronit të tij atë krijim paçavure që kurrë nuk mund të krahasohet me “Kapedanin” apo “Çiftin e lumtur”. Ndaj dhe gishti duhet drejtuar te Edvini. Jam i sigurt që Tropoja do sjellë tash e tutje fundin e pashmangshëm të regjimit bastard që instaloi Edvin Rama!/Fjala.al
