Një aksident i rëndë ka ndodhur në rrugën e Kavajës në kryeqytet, ku kanë mbetur të plagosur një djalë dhe një vajzë, identiteti i të cilëve nuk është bërë ende me dije.
Sipas informacioneve të para i riu, i cili ka qenë së bashku me një vajzë ka humbur kontrollin e motoçikletës dhe si pasojë e shpejtësisë së lartë ka goditur një makinë të parkuar aty pranë.
Fjala.al ka siguruar pamje ekskluzive, ku duket i riu i shtrirë në tokë dhe i gjakosur nga fytyra.
Policia ka mbërritur në vendin e ngjarjes dhe po punon për zbardhjen e plotë të rrethanave. Ndërkohë dy të aksidentuarit janë dërguar menjëherë me ambulancë për të marrë ndihmën e parë, pasi gjendja e tyre dukej e rënduar.
“Më datë 07.04.2021, rreth orës 20:35, në rrugën e “Kavajës”, shtetasi L. B., 21 vjeç, ka humbur kontrollin e mjetit dhe është përplasur me disa mjete të parkuara aty në afërsi. Si pasojë e aksidentit është dëmtuar drejtuesi i mjetit dhe pasagjerja në mjet shtetasja A. A., 19 vjeçe, të cilët ndodhen në spital, nën kujdesin e mjekëve. Vijon puna nga grupi hetimor për sqarimin e rrethanave të ngjarjes”, njofton policia
