“Zbrit nga kulla ose do të të hedh!”/ Si u nxitën kontrollorët të plotësonin formularin e paaftësisë

113 563 lexime

124,178FansaPëlqeje

Gazetarja e Top Channel, Anila Hoxha ka siguruar dosjen hetimore për dëshmitë e kontrollorëve të ndaluar për bllokimin e aeroportit të Rinasit.

Nga deklarimet e dhëna prej kolegëve rezulton se plotësimi i deklaratës për paaftësi të përkohshme u është kërkuar nga drejtuesit e Sindikatës së Kontrollorëve të Trafikut Ajror, Flora Ndrecës dhe Muhin Mezinit.

Në dosjen që disponon gazetarja e Top Channel Anila Hoxha, rezulton se Kujtim Malko ka pasur një debat të ashpër me Flora Ndrecën, të cilës i kishte thënë se nuk do e plotësonte formularin e paaftësisë. Nga biseda e tyre rezulton se ka pasur tone të ashpra pasi Malko në tension e sipër i ka thënë Ndrecës “zbrit nga kulla se përndryshe do të të hedh”.

“Në datën 06.04.2021, kam marrë një telefonatë nga kolegia Flora Ndreca për tu ngjitur në kullë. Jam ngjitur në kullë dhe atje kam gjetur Flora Ndrecën, Ermir Begon dhe Majnald Kodrën. Flora Ndreca më ka pyetur se çfarë do të bëja me plotësimin e formularit të paaftësisë. Unë i kam thënë se nuk do ta plotësoj. Në atë moment më ka thënë përse nuk e plotëson, unë i jam përgjigjur se kjo është puna ime. Debatet rreth plotësimit të deklaratës kanë vazhduar për disa minuta dhe për shkak të natyrës së punës që nuk lejohet debat në vendin e punës, i kam kërkuar që të largohet nga kulla. Në këtë moment, midis debateve, ajo më është drejtuar duke më thënë se ti nuk je burrë. Në këtë moment i jam përgjigjur zbrit nga kulla se përndryshe do të të hedh. Deklaroj se gjatë debatit tim me Florën kanë ndërhyrë edhe kolegët e tjerë të cilët ishin të pranishëm. Pas këtij momenti ajo është larguar, unë kam vazhduar punën. Pas mbarimit të punës jam larguar për në shtëpi dhe nuk kam takuar asnjë nga koleget.

Lidhur me formularin deklaroj se po atë ditë, rreth orës 18:00 jam njoftuar nga mediat se kontrollorët e Rinasit kishin shpallur grevë. Me sa më kujtohet më ka telefonuar kolegu Sokol Duro, që po shkojmë në Rinas për shkak të pushimit nga puna të pesë kolegëve. Jam nisur nga shtëpia dhe unë për në Rinas. Kam arritur dhe kam marrë kontakt me kolegët nga të cilët mësova që kishin plotësuar paaftësinë e përkohshme në punë. Gjendur në këto kushte pasi stresi ishte shumë i madh, kam plotësuar edhe unë formularin e paaftësisë”, thuhet në dëshminë e Malkos, të siguruar nga gazetarja Anila Hoxha.

Lexo edhe :  Skema e bujqësisë, nga nesër fermerët mund të aplikojnë për mbështetje financiare

Nga deklarimet provohet se Flora Ndreca, Armando Fezga dhe Muhin Mezini në bashkëpunim me njëri-tjetrin kanë ndikuar tek vartësit e tyre për të plotësuar formularin e paaftësisë së përkohshme në punë me qëllim shmangien nga detyrimi ligjor për të ushtruar detyrën e tyre funksionale në institucionin me rëndësi të vecantë.

Sic ka raportuar Top Channel një ditë më parë, përveç dëshmive, ka pasur edhe biseda në rrjete sociale të nxitjes së kontrollorëve nga eprorët për të plotësuar deklaratën e paaftësisë së përkohshme.

Nga telefoni i Flora Ndrecës, përgjegjëse turni dalin biseda me një shtetas të quajtur Gersi Spaho ku thuhet: “Mua dhe Lolën na pushuan, se kemi dhënë dorëheqjen të gjithë, po shyqyr që u kujtuan të bëhen të gjithë bashkë, e prekën fundin?”

Ndërkohë rezulton që shtetasi Muhin Mezini i ka dërguar Olsi Petritit foto të formularit të paaftësisë të plotësuar në emër të tij dhe ky i fundit i ka shkruar se “në 12 jam aty”.

Më pas në datë 6 prill M ezini këtë foto ia ka ka dërguar dikujt me emrin Ezi foto të formularit plotësuar në emër të tij, ndërsa Ezi i thotë: “E mira është të shkruash më shkurt”. Nga biseda kuptohet se Mezini e orienton atë se si të plotësojë formularin, ndërsa rezulton se ai ka ndikuar te një sërë punonjësish që të bëjnë të njëjtën gjë.

Të fundit

As kredia nuk mjafton për të blerë shtëpi!

Një kredi për një apartament në Tiranë? Edhe kjo mund të mos jetë e mjaftueshme. Përtej çmimeve të larta,...

Sipas astrologjisë, ky do jetë fituesi i “Big Brother VIP 4”

Bazuar në analizën astrologjike dhe informacionet e disponueshme, parashikimi i fituesit të “Big Brother VIP Albania 4” ndërmjet katër finalistëve—Egli Tako (Virgjëreshë), Gjesti (Dem),...

Fotografia e Gjestit shfaqet në zemër të New York’ut: E gjithë Amerika me ty

Pretendetit kryesor për të fituar Big Brother Albania Vip, Besart Kelmendi i njohur si Gjesti vazhdon të marrë mbështetje të madhe jo vetëm në...

Pushimet i sjellin tek familjarët e tyre, rritet fluksi i emigrantëve për Pashkët

Numri i hyrjeve të shtetasve shqiptarë në vendin tonë vijon të mbetet i lartë. Gjatë 72 orëve të fundit, nga pika e kalimit kufitar...

Francezi që zbuloi padashje pse Berisha e urren Shqipërinë

Nga Mero Baze Një qytetar francez ka ndalur në rrugë Sali Berishën, duke e konsideruar si një politikan të lumtur që Shqipëria po zhvillohet dhe...

Lajme të tjera

Web TV