Së fundmi janë zbardhur përgjimet e bisedave telefonike të të pandehurve që kishin në pronësi laboratorin e drogës në fshatin Brenogë të Hasit.
Në momentin që morën lajmin nga mediat se bashkëpunëtorët e tyre u arrestuan nga policia shqiptare dhe që laboratori u sekuestrua bashkë me lëndën heroinë në Brenogë të Hasit, autorët kanë bërë menjëherë biseda telefonike më bashkëpunëtorët e tyre në Kosovë.
Gjatë bisedës ata shfaqen tejet të shqetësuar për faktin se iu kishin dalë emrat dhe paralajmërojnë ata që të tregohen të kujdesshëm duke zhdukur numrat që kishin në përdorim.
Në një prej bisedave një prej të pandehurve Admir Hoxha, i cili mbante nr. e telefonit *******111, komunikon me një tjetër person me numër *******496, të cilit i thotë që t’i anulojnë porosinë nëse nuk është kryer sipas porosisë.
“I thuaj se për një orë e pres tek vendi ku u takuam kur të jem aty do të shkruaj por qeset t’i anulojë nëse nuk janë siç i kërkove ”.
Transkriptimi i përgjimit mes numrit *******111 dhe numrit 0699522496, (datë 16.10.2018) sms text: “Po çdo e takosh ai më tha për nesër me taku ”.
