Katër shqiptarë kanë rënë në prangat e policisë italiane, pas një kontrolli që këta të fundit kryen në shtëpinë e shqiptarëve.
Sipas mediave të huaja, shqiptarët janë të moshës nga 20 deri në 40 vjeç dhe akuzohen për trafikim droge dhe rezistencë ndaj karabinierëve. Teksa policia shkoi për të kryer kontroll në banesën e njërit prej shqiptarëve, u përball me rezistencën e këtyre të fundit, të cilët tentuan të qëllojnë me thikë policët.
Ata ranë në gjurmët e policisë, pasi për disa ditë radhazi ishin raportuar nga fqinjët lëvizje të dyshimta të të rinjve. Gjatë kontrollit të kryer në banesën e tyre, policia gjeti dhe sekuestroi 12 doza kokaine të ndara në pako, gati për shitje.
