Parlamenti gjerman miratoi të enjten një mocion nëpërmjet të cilit i kërkuar qeverisë së kancelares Merkel të ndalojë të gjitha aktivitetet e grupit Hezbollah në Gjermani, për shkak të aktiviteteve të tij.
Mocioni për ndalimin aktiviteteve të grupit “Hezbollah” në Gjermani u mbështet nga konservatorët e partisë CDU të Merkel, partnerët e tyre të koalicionit Social Demokrat (SPD) dhe “Demokratët e Lirë” të opozitës.
Mocioni për grupin “Hezbollah” nuk është detyrues, por do të rrisë presionin ndaj qeverisë gjermane për të vepruar.
Deputetët e Bundestagut thanë që Gjermania duhet të bëjë dallimin midis krahut politik të Hezbollahut dhe njësive ushtarake, të cilat kanë luftuar përkrah njësive ushtarake qeveritare në Siri.
SHBA dhe Izraeli po i kanë kërkuar Gjermanisë të ndalojë krejt grupin shiit libanez, duke hedhur poshtë pretendimet se krahët politikë dhe ushtarakë të Hezbollahut janë entitete të ndara.
Bashkimi Evropian e konsideron si organizatë terroriste vetëm krahun ushtarak të grupit shiit “Hezbollah” me bazë në Liban, por jo krahun politik./fjala.al/
