Gazetares Eni Vasili, iu zbulua “rastësisht” shtatzënia nga paparacët e gazetës ‘Panorama’, ndërsa pritja e ëmbël me binjakë dhe gjinia e tyre u zbulua live, po aq “rastësisht” nga kryeministri Rama i ftuar në studion e saj. Tani që s’ka më arsye për t’iu fshehur syrit zhbirilues të publikut, Eni nuk ua ka kursyer ndjekësve fotografitë me barkun e rrumbullakosur.
Teksa shijon ditët e fundit të shtatzënisë, gazetarja e njohur ka vendosur që të bëjë një set fotografik, një kujtim i bukur që më vonë do ta shijojë me vajzat e saj.
Eni ka “rrëmbyer” vëmendjen e të gjithë ndjekësve, në foton ku shfaqet e veshur me të bardha dhe duke përkëdhelur barkun e fryrë. “Ne të treja nuk mund të mos i kishim ne kujtesë polaroidi këto kohë”, shkruan ajo në postimin e saj.
