Një ushtar 29-vjeçar në Austri është dënuar me 19 muaj burg, pasi bëri tatuazh simbolin nazist (svastika) në zonën intime.
Ushtari kishte publikuar foto të tatuazhit në internet, ndërsa ia pati treguar dhe kolegëve të tij në ushtri. 29-vjeçari, Identiteti i të cilit nuk është bërë publik, pasi ndalohet nga ligji austriak u akuzua për shpërndarje propagandistike naziste.
Pas publikimit të vendimit të Gjykatës, ushtari u shpreh i penduar ndërsa u përpoq të justifikojë veprimet duke thënë se u ndikua nga shoqëritë e këqija.
