Platforma online për të gjetur shtëpi me qira në mbarë botën, e ashtuquajtura Airbnb, ka dëmshpërblyer një turiste me 7 milionë dollarë, pasi gruaja u përdhunua nga pronari i apartamentit që kishte marr me qira.
Sipas Bloomberg, turistja Australiane u përdhunua pak para Vitit të Ri, më 2015. Vajza dhe miqtë e saj kishin marrë çelësat e apartamentit nga një dyqan aty pranë. I dyshuari i sulmit seksual Junior Li, i kishte bërë një kopje çelësit të shtëpisë, hyri në apartament dhe u fsheh në tualet.
Pas raportimit të rastit në polici, ekipi i sigurisë së Airbnb kontaktoi me autoritet për të ndihmuar dhe transportuar turisten në hotel.
Bloomberg raporton se në kuadër të marrëveshjes së arritur midis turistes dhe Airbnb, gruaja nuk mund të ngrejë padi kundër platformës apo pronarit të apartamentit.
Marrëveshja u arrit dy vjet pas sulmit të pretenduar.
