Presidenti Ilir Meta ka folur në konferencën vjetore të Avokatit të Popullit. Ky fjalim kishte në fokus lirinë e medias në Shqipëri si një nga treguesit kryesor për demokracinë e një vendi. “Liria e shprehjes është e drejta e individit dhe komuniteteve të shprehin mendimet dhe idetë e tyre, pa frikën e shpagimit, hakmarrjes, censurës apo sanksioneve ligjore”, ka thënë Meta.
Duke rikujtuar vështirësitë në Shqipërinë e komunizmit, u vu theksi te revolucioni mediatik në të cilin ka kaluar vendi ynë. Meta tha se pavarësisht këtyre ndryshimeve të mëdha duhet reflektim nga ana e shoqërisë dhe politikës pasi liria e medies në vendin tonë është përkeqësuar, ashtu si mjedisi i punës së gazetarëve. Shqetësimet e tyre nuk dëgjohen.
“Shkëmbimi i ideve dhe mendimi i lirë janë mjetet më efikase për të zhvilluar demokracinë. Liria e shprehjes është tregues i qeverisjes së lirë dhe demokratike. Demokracia përparon bazuar në lirinë e shprehjes. Informimi i lirë është mjeti më i rëndësishëm për të kontrolluar demokracinë si formë e qeverisjes.
Pronarët bëjnë vetë redaktorët se janë shitur.
Sipas raporteve ndërkombëtare, media shqiptare rezulton pjesërisht e lirë. Media të mëdha u shërbejnë si platforma lobuese pronarëve të tyre duke promovuar autocensurë”, u shpreh ai. Ai e ka cilësuar medien në Shqipëri si një parim të shenjtë që mbrohet nga Kushtetuta.
Zoti Meta rikujtoi se Shqipëria ka humbur pikë në raportin e lirisë së medias duke veçuar se ka patur një përkeqësim të situatës në media. Gjuha e urrejtjes e përdorur nga politikanët ka nxitur edhe ikjen për 1 mije banore 16% te popullsisë.
Ndërsa në lidhje me paketën anti-shpifje që do t`i shkojë këto ditë Presidenti bëri me dije publikisht që do ta shikojë me shumë vëmendje. Është ligji nga i cili nis edhe gjobitja e medieve kryesisht online. Gazetarët dhe shoqatat e ndryshme i kanë bërë thirrje Metës që të mos e miratojë projektin e qeverisë Rama./Fjala.al
