Ministri i Jashtëm i Luksemburgut, Jean Asselborn, ka komentuar vendimin e Ligjit hungarez i cili ndalon ‘promovimin e homoseksualitetit tek të miturit’ ” duke e cilësuar të padenjë për Evropën”. Deklarata e ministrit erdhi gjatë hyrjes së tij në Këshillin e Çështjeve të Përgjithshme në Luksemburg.
Asselborn ka njoftuar një iniciativë nga Luksemburgu e cila do të publikojë një tekst i cili rikonfirmon “respektimin e lirisë për të jetuar siç dëshiron dikush në BE”.
“Shpresoj që Komisioni i BE të shkojë në fund“, shtoi ministri, duke përsëritur se ligji i miratuar nga Hungaria nuk korrespondon me “asnjë vlerë evropiane. Të rinjtë kanë të drejtë të jetojnë siç dëshirojnë. Ne nuk jemi në mesjetë “.
Sot në Këshillin e Çështjeve të Përgjithshme Hungaria dhe Polonia përsëri do të jenë në qendër të vëmendjes në lidhje me procedurat e hapura për sundimin e ligjit, bazuar në nenin 7.
Asselborn shpreson gjithashtu që Polonia të respektojë “përparësinë e vendimeve të Gjykatës Evropiane të të Drejtave”.
