Danimarka ka kaluar fazën e grupeve të Euro 2020 euro dhe trajneri Kasper Hjulmand ka qenë çelësi i kësaj arritje, veçanërisht ndaj rastit të Christian Eriksen ku skuadra tregoi një karakter të shkëlqyer.
Hjulmand është një tifoz i madh i Pep Guardiolës dhe këtë po e shpreh me Danimarkën e tij që luan një futboll të bukur. Edhe pse u mposhtën nga Belgjika, ata luajtën shumë mirë. Më pas, ata arritën të kapërcenin Rusinë 4-1 në një sfidë spektakolare.
“Ai e çoi futbollin në një nivel tjetër dhe ka qenë një frymëzim për mua, pasi ai nuk ndalet së krijuari,” ka thënë Hjulmand për Guardiolën.
“Jam i bindur që Guardiola do të mbahet mend si Steve Jobs i futbollit.”
Në Danimarkë , Hjulmand ka marrë lavdërimet e tij, nga njerëz të tillë si redaktori i ‘Tipsbladet’ Troels Bager Thogersen .
“Ai është frymëzuar shumë nga Guardiola dhe ka udhëtuar në Barcelonë shumë herë kur Guardiola ishte atje,” ka shpjeguar gazetari.
“Në fillim, skuadra e tij Nordsjaelland luajti si Barcelona. Por, Hjulmand nuk është një kopje e Guardiolës. Ai tani është më pragmatik dhe di të përshtatet, duke i dhënë përparësi lojtarëve më të përshtatshëm ndonjëherë dhe futbollit kundërsulmues të frymëzuar nga futbolli gjerman.”
