Kreu i Aleancës Kosova e Re, dhe pronari i kompanisë së madhe të inxhinierisë dhe ndërtimit në botë, “Mabetex”, Behgjet Pacolli, ka deklaruar pasurinë e tij në Agjencinë Kundër Korruopsionit në Kosovë, të cilat kapin shifra milionëshe.
Duke përjashtuar pasurinë e patundshme të tokave dhe pronave me vlerë disa miliona, Pacolli ka deklaruar edhe vlerën e parave të gatshme që ka në banka.
Nga deklarimi, rezulton se Pacolli ka para të gatshme në vlerë 5 milionë e 701 mijë e 230 euro në Bankën Ekonomike, 252 mijë e 554 euro në NLB Banka, 349 mijë dollarë në NLB Banka, 1 mijë e 104 franga në NLB si dhe 9 milionë dollar si garanci-depozitë për eksport.
Ndërkohë, të ardhurat vjetore të biznesmenit dhe politikanit Behgjet Pacolli, sillen rreth katër milionë euro.
