Kështjella më e lartë prej rëre në botë ka përfunduar në Danimarkë, me një lartësi prej më shumë se 20 metrash dhe që përmban gati 5,000 tonë rërë.
Kalaja është më shumë se 3 metra e lartë se ajo e ndërtuar në Gjermani në vitin 2019, e cila mbante rekordin nga Guinness.
Krijuesi i saj, hollandezi Ëilfred Stijger, u ndihmua nga 30 skulptorët më të mirë të rërës në botë. Ai tha se donte që kështjella të përfaqësonte fuqinë që koronavirusi ka pasur në botë që nga fillimi i pandemisë.
Në majë të kështjellës së rërës është një shenjë si virus që mban një kurorë. “Është duke sunduar jetën tonë kudo. Kjo ju tregon se çfarë të bëni ….Mos bëni aktivitete, qëndroni në shtëpi“, tha Stijger.
Ashtu si shumë kështjella të tjera të mëdha rëre, është bërë si një trekëndësh në mënyrë që të mos shembet dhe rreth saj është ngritur një konstruksion prej druri. Rëra përbëhet nga 10 përqind argjilë në mënyrë që të qëndrojë më mirë.
Kështjella pritet të qëndrojë derisa të fillojnë ngricat, që do të thotë se duhet të zgjasë deri në shkurt ose mars.
