Intervista ”bombë” e Meghan Markle dhe princit Harry me prezantuesen e njohur amerikane Oprah Winfrey tërhoqi vëmendjen e botës.
Transmetimi i asaj interviste u nominua të martën për serialin e jashtëzakonshëm special për çmimet Emmy, që do të organizohet në shtator.
Ishte gjatë asaj specialeje dy orëshe, e cila u transmetua në mars, që Harry dhe Meghan folën për mosmbështetjen nga ana e Pallatit Mbretëror para se të hiqnin dorë nga detyrat e tyre dhe të largoheshin nga Britania e Madhe.
Harry dhe Meghan, të cilët mirëpritën fëmijën e tyre të dytë, vajzën Lilibet Diana muajin e kaluar, tani jetojnë në Kaliforninë e Jugut.
Meghan, 39 vjeçe, gjithashtu foli me Winfrey në lidhje me vështirësitë me shëndetin e saj mendor gjatë kohës së saj në Britaninë e Madhe.
Ceremonia e 73-të e çmimeve Emmy do të zhvillohet më 19 shtator në teatrin ”Microsoft”, në Los Anxheles, para një audience të kufizuar.
