Pep Guardiola ka reaguar në lidhje me situatën jo shumë të këndshme që është krijuar në klubin e Barcelonës.
Trajneri katalunas ka thënë se Barça është në të njëjtin moment që ishte Real Madrid përpara largimit të Cristiano Ronaldos.
Përplasja publike midis kapitenit të ekipit Lionel Messit dhe drejtorit sportiv Eric Abidal ka shtuar zërat për krisjen e marrëdhënies së argjentinasit me klubin.
Guardioal, i cili njeh si Messin ashtu edhe Bacelonën, ka paralajmëruar presidentin e Barçës se një lagim i mundshëm i yllit është shumë i afërt.
“Është e pashmangshme, këta lojtarë janë kaq të rëndësishëm për një skuadër, sa kur largohen, lënë hapësira të mëdha. Kur Messi të largohet nga Barcelona klubit do t’i duhet ca kohë për t’u rirregulluar. Është e pashmangshme. Ju e patë se çfarë ndikimi negativ pati largimi i Ronaldos nga Real Madridi. Si të mos ndihet mungesa e këtyre lojtarëve, që shënojnë 40 ose 50 gola në sezon”,-deklaroi Guardiola.
Rikujtojmë se Pep Guardiola ka kaluar më shumë se 20 vite te Barcelona si lojtar, por edhe si trajner./Fjala.al/
