Biznesmeni Elton Ilirjani ka folur në emisionin “Zonë e Lirë” për look-un e tij dhe se si ka ndryshuar këto vite, duke theksuar se nuk e ka as dëshirë, as në plan të ndryshojë gjininë.
Duke shpjeguar edhe se si e sheh ai mentalitetin në Shqipëri, Ilirjani u shpreh i kënaqur që “nuk do të shkoj më me meshkuj shqiptarë”.
Arian Çani: Ti ende nuk e ke ndryshuar gjininë? Ke ndryshuar look-un, nga çun je bërë gocë, por gjininë nuk e ke ndryshuar akoma?
Elton Ilirjani: Jam çun, nuk jam gocë. Look-u nuk të bën femër apo mashkull, organi seksual të bën femër apo mashkull.
Arian Çani: Edhe të bën, Elton le t’i themi ca gjëra. Unë që të njoh, përpara se të ikje, kur të takova për herë të parë, totalisht, po them normat e dukjes, deri këtu ka ca gjëra bazike që i kuptoj, ti ke qenë totalisht mashkull, pa buzë të fryra, ishe normal, por tani je gocë. Gocë në look po them.
Elton Ilirjani: Ndoshta mund të perceptohet kështu, por nuk dua që ta ndryshoj gjininë. Mendoj që njerëzit që ndryshojnë gjininë duhet të mendohen mirë. Të gjitha institucionet përgjegjëse për këtë duhet të sigurohen që këta persona që ndërrojnë gjininë, nuk e ndryshojnë këtë për të bërë para apo se meshkujt shqiptarë i duan ata femra.
Unë e kam thënë herë tjetër, ka shumë meshkuj shqiptarë, që unë shyqyr Zotit nuk do shkoj më me meshkuj shqiptarë, falenderoj Zotin që jam në Amerikë. Meshkujt shqiptarë edhe kur shkojnë me një mashkull duan ta kthejnë në një femër. Kam frikë që një transgjinor në Shqipëri bëhen të tillë se duan të kënaqin meshkujt. Kjo është gabim.
