Një plagosje me thikë ka ndodhur sot në Tiranë. Burime për mediat bëjnë me dije se i lënduari ndodhet i shtrirë në tokë, ndërkohë që është njoftuar policia dhe ambulanca.
Nuk dihet shumë për ngjarjen, se kush janë personat e përfshirë në konflikt dhe cili ka qenë shkaku. Pritet të dalin në dritë detaje të reja dhe një njoftim nga autoritetet.
Policia ka rrethuar zonën me shirit dhe vijon hetimet për zbardhjen e shkaqeve të plagosjes.
Tiranë/Informacion paraprak:
Rreth orës 20:45, në bulevardin “Zhan D’ark” dyshohet se gjatë një konflikti të çastit, një shtetas ende i paidentifikuar ka goditur me një mjet prerës (thikë) shtetasin e mitur me iniciale J. K., rreth 15 vjeç, i cili ndodhet në spital, nën kujdesin e mjekut.
Menjeherë në vendngjarje kanë shkuar sherbimet e Policisë dhe kanë bërë rrethimin e zonës dhe po vijojnë kontrollin e saj me qëllim identifikimin dhe kapjen e autorit. Grupi hetimor po punon për sqarimin e rrethanave të ngjarjes.
