Pa mbërritur ende Lionel Messi në aeroportin e Parisit, fansat janë mbledhur duke festuar ardhjen e yllit të futbollit.
Ekipi i Paris Saint-Germain do të nënshkruajë kontratë me lojtarin, i cili “braktisi” Barcelonën pas dy dekadash.
Tifozët e apasionuar të PSG-së kanë “pushtuar” aeroportin që prej mbrëmjes së djeshme pas lajmeve të rremë se Messi do të arrinte në aeroportin Le Bourget të dielën.
Messi pranoi gjatë një konference një ditë më parë, se ndodhet në diskutime e sipër me PSG duke shtuar se kishte marrë oferta dhe nga disa klube të tjera por se asgjë nuk është bërë ende konkrete.
E hëna me sa duket do të jetë një ditë vendimtare për lojtarin por sipas gjasave ardhja e tij në Paris është e pashmangshme.
