Leo Messi mbërriti këtë të martë në Paris, për të nënshkruar kontratën e tij me ekipin e PSG-së. Ylli argjentinas i cili shoqërohet nga bashkëshortja e tij Antonella dhe tre fëmijët do të qëndrojnë në një prej hoteleve më luksozë në botë ,“Le Royal Monceau”.
Hoteli me pesë yje prezantohet si një pallat parizian. Ai ndodhet në qendër të kryeqytetit francez, vetëm disa hapa largë Champs Elysees dhe Harku të Triumfit.
Në faqen e tij të internetit ai përshkrohet si “një oaz sharmi, qetësie dhe përzemërsie në qendër të Parisit” .
Në ndërtesën luksoze ndodhen 149 dhoma, përfshirë dhe 3 Suita Presidenciale.
Sa i përket kuzhinës Le Royal Monceau ofron një gamë restorantesh duke kombinuar kulturën e shijeve lokale me pjata nga mbarë bota .
Në hotel mund të gjesh një spa me përmasa të jashtëzakonshme (1500 m²)si dhe një pishinë me një gjatësi prej 23 metrash me dritë natyrale, shtatë dhoma trajtimi dhe sauna.
