Një lajm i mirë pas kaq kohësh vjen për dy fëmijët e mitur shqiptarë të cilët ishin zhdukur nga Gjermania së bashku me babain e tyre.
Ata janë gjendur, ndërsa babai i tyre u arrestua këtë të martë në komunën Caldas da Rainha në Portugali, 100 km larg Lisbonës pasi akuzohet për rrëmbimin e fëmijëve të tij.
Policia Kombëtare në Portugalisë ka konfirmuar se fëmijët Kristian Toska, 11 vjeç dhe Amantia Toska, 10 vjeç, janë në gjendje të mirë shëndetësore.
Babai me origjinë shqiptare kishte vendosur të jetonte në Gjermani. Në dhjetor të 2020 ai mori fëmijët e tij 11 dhe 10 vjeç dhe u largua drejt Tenerifes.
Në Gjermani nuk u regjistrua asnjëherë një padi për rrëmbimin e fëmijëve të mitur. Nëna e tyre u detyrua të udhëtonte në Spanjë ku u hap dhe një procedim penal.
Nëna e Kristian dhe Amantia, raportohet se është kërcënuar nga bashkëshorti i saj, i cili i ka thënë se nëse shkonte në polici do ta vriste atë, familjen e saj dhe fëmijët.
Policia gjermane ka nisur një hetim mbi rastin pas denoncimit të nënës, dhe tani është vënë në kontakt me autoritetet spanjolle duke kërkuar bashkëpunimin e tyre.
Një nga pistat e hetimit është që babai i dy fëmijëve të ketë udhëtuar qëllimisht nga Gjermania në Tenerife të Spanjës, ku mbante të fshehur të miturit.
